XALQ DEPUTATLARI POP TUMAN KENGASHI

QARORI

2022 - yil 22 - fevral                                                             VI-46-21-6-84-K/22

         Поп туманида қишлоқ хўжалигига мўлжалланмаган ерлар учун жисмоний ва юридик шахслар бўйича мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффициентларни тасдиқлаш ҳақида.

Ўзбекистон Республикаси Солиқ кодексининг 429 ва 437-моддалари ва Ўзбекистон Республикаси Президентининг “Ресурс солиқлари ва мол-мулк солиғини янада такомиллаштириш тўғрисида” 2020 йил 3 декабрдаги ПФ-6121-Фармонининг 4-бандига мувофиқ, халк депутатлари Наманган вилояти кенгашининг 2022 йил 2-февралдаги  “Наманган вилояти буйича “Қишлоқ хўжалигига мўлжалланмаган ерлар учун жисмоний ва юридик шахслар бўйича мутлок миқдорда белгиланган базавий солиқ ставкасига киритилаётган камайтирувчи ва оширувчи коэффициентлар” тўғрисида”ги VI-29-6-6-0-K/22 сонли қарорини инобатга олиб, халқ депутатлари Поп туман Кенгаши

Қ А Р О Р  Қ И Л А Д И:

• Ўзбекистон Республикаси Президентининг 2020-йил 3-декабрдаги "Ресурс солиқлари ва мол мулк солиғини янада такомиллаштириш тўғрисида"ги ПФ-6121-сонфармонига кўра, халк депутатлари Наманган вилояти Кенгашининг 2022 йил 2-февралдаги  “Наманган вилояти буйича “Қишлоқ хўжалигига мўлжалланмаган ерлар учун жисмоний ва юридик шахслар бўйича мутлок миқдорда белгиланган базавий солиқ ставкасига киритилаётган камайтирувчи ва оширувчи коэффициентлар” тўғрисида”ги VI-29-6-6-0-K/22-сонли қарорини маълумот учун қабул қилинсин.
• Ўзбекистон Республикаси Солиқ кодексининг 429-моддасига мувофиқ, Поп тумани учун белгиланган базавий солиқ ставкаси асосида қишлоқ хўжалигига мўлжалланмаган ерлар учун юридик шахслар бўйича мутлақ миқдорда белгиланган базавий солиқ ставкасига киритилаётган камайтирувчи ва оширувчи коэффицентлар 1-иловага мувофик тасдиқлансин.
• Ўзбекистон Республикаси Солиқ кодексининг 437-моддасига мувофиқ мулк ҳуқуқи, эгалик қилиш, фойдаланиш ёки ижара ҳуқуқлари асосида ер участкаларига эга бўлган жисмоний шахслар (бундан деҳқон хўжалигини юритиш учун берилган қишлоқ хўжалиги учун мўлжалланган ерлар мустасно) бўйича мутлақ миқдорда 1 кв.м. учун белгиланган базавий солиқ ставкаларига нисбатан киритилаётган камайтирувчи ва оширувчи коэффициентлар 2-иловага мувофиқ тасдиқлансин.
• Бунда халқ депутатлари туман Кенгаши юқоридаги 1-2-иловалар билан белгиланган солиқ ставкаларига 0,7 дан 3,0 гача бўлган камайтирувчи ва оширувчи коэффициентларни белгилаш ҳуқуқига эгалиги кўрсатиб ўтилсин.
• Халқ депутатлари туман Кенгашининг 2021 йил 7 январдаги VI-42-1-6-84-K/22-сонли қарори ўз кучини йўқотган деб ҳисоблансин.
• 6. “Поп тонги” газетаси таҳририяти (Т.Тўйчиева)га 2022 йил бюджет-солиқ сиёсатидаги ўзгаришлар, солиқлар ва тўлов ставкалари, солиқ солиш тартиблари ҳамда бошқа маълумотларни ёритиб бориш тавсия этилсин.
• Мазкур қарорнинг бажарилишини назорат қилиш туман ҳокимининг биринчи ўринбосари (М.Имомназаров) хамда халқ депутатлари туман Кенгашининг Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари бўйича доимий комиссия раиси (Ш.Рахмонов)лар зиммасига юклансин.

Халқ депутатлари Поп туман

Кенгаши раис                                                                                  А.Султанов